കന്നിമൂലയില്‍ സെപ്റ്റിക്‌ ടാങ്ക്‌ വന്നാൽ സംഭവിക്കുന്നത് കന്നിമൂലയെ കുറിച്ച് വിശ്വാസങ്ങളും അന്ധവിശ്വാസങ്ങളും പ്രചാരത്തില്‍ ഉണ്ട്. എന്നാല്‍ എന്താണ് കന്നിമൂല, കന്നിമൂലയില്‍ എന്തെല്ലാം വരാം വരാന്‍ പാടില്ല എന്നെല്ലാം തീര്‍ച്ചയായും അറിഞ്ഞിരിക്കണം. അന്ധ വിശ്വാസം എന്ന് പറഞ്ഞ് തള്ളിക്കളയാതെ ഈ കാര്യങ്ങള്‍ ശ്രദ്ധിക്കണം. വാസ്തുശാസ്ത്രമനുസരിച്ച് ഗൃഹം നിര്‍മ്മിക്കുമ്പോള്‍ ഏറ്റവും ശ്രദ്ധിക്കേണ്ട ഒരു കാര്യം ഈശാനകോണ്‍ താഴ്ന്നും കന്നിമൂല ഉയര്‍ന്നും നില്‍ക്കുന്ന ഭൂമിയില്‍ വീട് വെക്കുക എന്നതാണ്, ഇതിനെ യഥാക്രമം ധാന്യവീഥി,ഭൂതവീഥി എന്നാണ് പറയുന്നത്, ( ധാന്യ വീഥിയെ ഭാഗ്യവീഥി എന്നും പറയാറുണ്ട്‌). വടക്ക് കിഴക്ക് മൂല ( ഈശാനകോണ്‍) താഴ്ന്നും തെക്ക്പടിഞ്ഞാറെമൂല (കന്നിമൂല) ഉയര്‍ന്നും ഇരിക്കുന്ന ഭൂമി ധാന്യവീഥി. ഇത്തരം ഭൂമിയില്‍ ഗൃഹം നിര്‍മ്മിച്ച്‌ താമസിച്ചാല്‍ ധനാഭിവൃദ്ധി, വംശവൃദ്ധി, സര്‍വ്വ ഐശ്വര്യാഭിവൃദ്ധി, എന്നിവയോടെ തലമുറകളോളം കാലം ആ വംശം നിലനില്‍ക്കും എന്ന് വാസ്തുശാസ്ത്രം അര്‍ത്ഥശങ്കക്കിടയില്ലാതെ പറയുന്നു. തെക്ക് പടിഞ്ഞാറ് വശം താഴ്ന്ന് വടക്ക് കിഴക്ക് ഭാഗം ഉയര്‍ന്നഭൂമിയാണ് ഭൂതവീഥി. ഇ...
